للتعريف بالمنطقة وتاريخها


    نفسي أرجع لي بلادي ( إنتو كيف ؟؟؟؟)

    شاطر
    avatar
    محمد ودالشابك

    المساهمات : 73
    تاريخ التسجيل : 20/02/2010
    العمر : 41
    الموقع : واوســــــــــــــــــــــــــــــــــــــــــــــــييييييييييييي

    نفسي أرجع لي بلادي ( إنتو كيف ؟؟؟؟)

    مُساهمة  محمد ودالشابك في الخميس مايو 27, 2010 1:45 am

    نفسي أرجع لي بلادي ( إنتو كيف ؟؟؟؟)


    نفسي ارجع لي بلادي
    واستعيد أيام شبابي
    ابقى بين أهلي وصحابي
    وانسى همي وإغترابي
    رشفة من النيل شرابي
    تروي عطشي ويهدا بالي
    يا ربي يا عالم بحالي
    إنهد حيلي وضاع زماني
    نفسي اتهنى وأغني
    ابقى فنان وراقي فني
    نفسي ارجع لي بلادي
    واستعيد أيام شبابي
    والحياة تصبح سعيدة
    والمحال يصبح حقيقة
    والخطاوي الضاع طريقا
    باكر تعود ينحلا قيدا
    يكتمل البيت بناسو
    وكل زول يعيش حياتو
    نفسي ارجع لي بلادي
    واستعيد أيام شبابي
    ارضى باللقمة الهنية
    والمعيشة تكون رضية
    المهم العافية تبقى
    لا معاناة لا مشقة
    نفسي ارجع لي بلادي
    واستعيد أيام شبابي
    القلوب هيمانة تهفو
    للقاك وكم تعاني
    وحشة الغربة وظلاما
    والسنين الضاع حنانا
    التجني والمذلة والمهانة
    الرجولة والفحولة والشهامة
    نفسي ارجع لي بلادي
    وأسال الله يتم مرادي
    عايز أشوفك عالية فوق
    والنجوم حولك تطوف
    لا تصل ليك الأعادي
    ولا يزورك مرة خوف
    هادي طبعك زي أميرة
    لابسة تاج العز خميلة
    قائدة للركب والمسيرة
    حرة صامدة وكم جليلة
    عزيزة غالية ما ذليلة
    فيك أفراحنا النبيلة
    نفسي ارجع لي بلادي
    واستعيد أيام شبابي
    ياما في ترابك لعبتا وما تعبتا
    وياما من حُبك نهلتا وغرفتا
    ومن حليب ضرعك رضعتا
    ومن تمر نخلك شبعتا
    نفسي ارجع لي بلادي
    واستعيد أيام شبابي
    نفسي في رحلة وجنائن
    وخضرة بكان ما العين تعاين
    لمة فيها الناس .. تقالد .. تسالم
    يدعوا ليك بكل التمائم
    تبقى أيامك سعيدا
    والزيارة كمان تعيدا
    تبقى فرحان بوجودك
    ومافي خط لحدودك
    نفسي ارجع لي بلادي
    واستعيد أيام شبابي
    عارف الأحلام مثيرة
    مهما تطول تصبح قصيرة
    والعيون إحتار دليلا
    والدموع نزلت غزيرة
    نفسي ارجع لي بلادي
    واستعيد أيام شبابي
    Basketball Basketball Basketball Basketball Basketball Basketball Basketball Basketball

    فتح احمد

    المساهمات : 100
    تاريخ التسجيل : 09/04/2010

    رد: نفسي أرجع لي بلادي ( إنتو كيف ؟؟؟؟)

    مُساهمة  فتح احمد في الأحد مايو 30, 2010 2:25 am

    قصيدة جميلة
    مشكور ياود الشابك وربنا يسهل لك الرجوع
    وتقر عينك بارض الوطن واقول لك

    يـاعائدين إلـى الـربوع * قـلبي تحـرق للـرجوع
    نهنهتـه فـازداد تـحنانا * وعـربـد في الضـلوع
    يـاعائدين إلـى الـحمى * قلـبي به عـطش وجوع
    بـالله هـل في الـمركب * متسـع لملـهوف ولـوع
    وحـزمت أمـتعتي فـيا * قلب ارتقب يوم الرجـوع



    ابوعلم

    المساهمات : 16
    تاريخ التسجيل : 15/02/2010
    العمر : 45
    الموقع : متجول

    رد: نفسي أرجع لي بلادي ( إنتو كيف ؟؟؟؟)

    مُساهمة  ابوعلم في الأحد مايو 30, 2010 6:07 am


    مشكور لهذه التحف الغالية وربنا يرد غربتكم

    فتح احمد

    المساهمات : 100
    تاريخ التسجيل : 09/04/2010

    رد: نفسي أرجع لي بلادي ( إنتو كيف ؟؟؟؟)

    مُساهمة  فتح احمد في الخميس يونيو 10, 2010 5:47 am


    مشكور يا ابو علم



    بسم الله ، الحمد لله ،
    سبحان الذي سخر لنا هذا وما كنا له مقرنين وأنا إلى ربنا لمنقلبون "ـ ـ"
    الحمد لله ، الحمد لله ، الحمد لله ، الله اكبر ، الله أكبر ، الله أكبر ،
    اللهم احفظ اخونا مجمد ود الشابك
    ورده إلى أهله سالما غانما من خيري الدنيا والآخرة وجميع المسلمين يا أرحم الراحمين وصلى الله وسلم على نبينا محمد وآله وصحبه أجمعين .
    avatar
    محمد ودالشابك

    المساهمات : 73
    تاريخ التسجيل : 20/02/2010
    العمر : 41
    الموقع : واوســــــــــــــــــــــــــــــــــــــــــــــــييييييييييييي

    تحياتي

    مُساهمة  محمد ودالشابك في الجمعة يونيو 11, 2010 1:29 pm

    مشكور يابوعلم و يافتح الرحمن لنا و لكم انشاءالله

      الوقت/التاريخ الآن هو السبت سبتمبر 23, 2017 5:01 am